“Ташаббусли бюджет” ғолиблари эълон қилинди

“Ташаббусли бюджет” лойиҳасининг 2023 йил 2-мавсуми якунланди. Бугун, 16 сентябр куни лойиҳа ғолиблари эълон қилинди.

Маълумотларга кўра, иккинчи мавсумда жами 1182 дона лойиҳа ғолиб деб топилган. (Умумий овозга қўйилган лойиҳалар сони 49 мингдан ошиб кетади) Ғолиб лойиҳаларга ажратиладиган жами сумма 1 трлн. 308 млрд. 645 миллион сўмдан ошиқни ташкил этади.

Биринчи ўриндаги лойиҳа 22 120 дона овоз олишга муваффақ бўлган. Жами 1007 та маҳалла лойиҳада ғолиб чиққан.

Эслатиб ўтамиз, иккинчи мавсумга овоз бериш жорий йил 27 августдан 16 сентябргача давом этди.

Биринчи мавсум натижалари жорий йил апрел ойида эълон қилинганди.