Ўзбекистон захира активлари қарийб бир миллиард долларга камайди
Бу рақам йил бошида 35 миллиард 767 миллион долларни ташкил этганди.
Ўзбекистоннинг расмий олтин захира активлари август ойида 958 миллион долларга камайиб, 1 сентябр ҳолатига кўра, 32 миллиард 690 миллион долларни ташкил этмоқда.
Бу рақам йил бошида 35 миллиард 767 миллион долларни ташкил этганди. Август ойида бу миқдор 33 миллиард 690 миллион доллар бўлган.
Бу ҳақда Марказий банк тақдим этган маълумотда айтилган.
Захиралар кетма-кет бешинчи ой камаймоқда — майда расмий захира активлари 837,9 миллион долларга, июнда — 649 миллион доллар, августда эса 71,8 миллион долларга камайганди.
Маълум қилинишича, мамлакатдаги олтин захираси 410 миллион долларга кўпайиб, 23 миллиард 430 миллион долларни ташкил этмоқда. Қимматбаҳо металлнинг ҳажми ҳам 0,3 миллион трой унцияга (9,33 тонна) кўпайиб, 12,1 миллион трой унциясини (тахминан 376,31 тонна) ташкил этди.
