Бухорода автокран қулаши оқибатида икки киши қурбон бўлди
Ҳодиса шу йилнинг 5 сентябр куни юз бергани маълум қилинди.
Бухоро шаҳридаги кўп қаватли уй қурилишида ишлаётган фуқаролар автокран илгагидаги бункердан йиқилиб тушиши оқибатида вафот этди. Ҳодиса тасвирлари ижтимоий тармоқ ва ОАВда эълон қилинган.
Ҳодиса шу йилнинг 5 сентябр куни юз бергани маълум қилинди. Тафслотларга кўра, қурбонлар кўп қаватли уй қурилишида ёлланма ишчи сифатида ишлаб келган фуқаролар — қашқадарёлик А.И. ҳамда Н.Қ. бўлган.
Бухоро вилоят прокуратурасига кўра, юк кўтариш учун мўлжалланган автокраннинг илгагига осилган бункерга кириб бинонинг 8-қавати фасад қисмини суваётган 21 ёшли фуқаролар автокран бункери бино деворига тегиб, илгаклари узилиши натижасида ерга йиқилиб, оғир тан жароҳати олган.
Улар Республика шошилинч тез ёрдам илмий маркази Бухоро филиалининг қайта жойлантириш бўлимида вафот этган.
