Россияда икки йил аввал йўқолган ўзбекистонлик эркакнинг жасади топилди
Унинг қотили сифатида ватандоши айбланмоқда.
Россиянинг Санкт-Петербург шаҳрида 2 йил аввал ғойиб бўлган Ўзбекистон фуқаросининг жасади топилди, у кўрпага ўралган ҳолда топилди. Бу ҳақда "Северная газета" нашри хабар берди.
Текширув ва экспертиза шуни кўрсатдики, жасад 1965 йилда туғилган Ўзбекистон фуқаросига тегишли бўлиб, уни турмуш ўртоғи 2021 йилдан бери қидирган. Ҳозирда қотилликда гумон қилинган яна бир Ўзбекистон фуқароси қўлга олинди.
Эркак ўз қилмишига иқрор бўлган, унинг ҳикоя қилишича яна бир шериги билан бирга марҳум билан жанжаллашиб, ижарага олинган хонадонда уни калтаклаб ўлдиришган. Шундан сўнг гилам сотиб олиб, ўрашганини ва тунда кўрфазга олиб чиқиб, марҳумни сувга оқизиб юборишган.
Ҳозирга тергов ҳаракатлари давом этмоқда.
