Ўзбекистон сўнгги вақтларда четга жуда кўп олтин сотмоқда

Июль ойининг ўзида Ўзбекистон 1,3 млрд долларлик олтин экспорт қилди. Йил бошидан бери олтиннинг четга сотуви 5,6 млрд долларга етди. Бу 2022 йилнинг шу пайти билан солиштирилганда 2,1 баробар кўп.

Бу ҳақда Статистика агентлиги тақдим этган маълумотда айтилади. 

Қайд этиш жоизки, 2021 ва 2022 йилларда 4,1 млрд долларлик олтин сотилганди. 

Шунингдек, 2023 йилнинг январь-июль ойларида Ўзбекистон Республикасининг ташқи савдо айланмаси 34,9 млрд АҚШ долларидан ошди. Бунда экспорт 14,9 млрд долларни, импорт эса 20 млрд долларни ташкил этган. Кўриниб турганидек, импорт ҳажми анча кўп. 

Асосий хорижий ҳамкорлар Хитой, Россия ва Қозоғистон бўлиб қолмоқда.