Қонунчилик палатаси мансабдори ҳоким этиб тайинланди
Комил Эрназаров 1984 йил Сирдарё туманида туғилган.
Халқ депутатлари Оқолтин тумани Кенгашининг навбатдан ташқари сессиясида ғоким тайинлаш масаласи кўрилди.
Туман ҳокими лавозимига шу кунга қадар Ўзбекистон Республикаси Олий Мажлиси Қонунчилик палатаси девони раҳбари вазифасида ишлаб келаётган Эрназаров Комилжон Юлдашалиевич номзоди тасдиқланди.
Комил Эрназаров 1984 йил Сирдарё туманида туғилган. Меҳнат фаолиятини вилоят молия бошқармасида етакчи иқтисодчи сифатида бошлаб, турли йиллар давомида бошқарма бошлиғи ўринбосари, собиқ Хусусийлаштириш, монополиядан чиқариш ва рақобатни ривожлантириш давлат қўмитасининг вилоят ҳудудий бошқармаси ҳамда вилоят иқтисодиёт бош бошқармаси бошлиғи вазифаларида фаолият юритган.
Аввалроқ Гулистон туманига ҳам янги ҳоким тайинлангани хабар берилганди.
