Ўзбекистонда Президент сайлови бошланди
Президентлик учун 4 нафар номзод даъвогарлик қилмоқда.
Бугундан Ўзбекистонда навбатдан ташқари президент сайловида овоз бериш бошланди, Тошкент вақти билан соат саккизда сайлов участкалари очилди.
Президентлик учун 4 нафар номзод даъвогарлик қилмоқда.
МСК маълумотларига кўра, сайловчилар рўйхатига 19,5 миллиондан ортиқ киши киритилган, 14 та округ сайлов комиссиялари тузилган, 10 784 та сайлов участкаси ташкил этилган.
Фуқаролар хорижда ҳам овоз беришлари мумкин – 39 та давлатда 56 та стационар сайлов участкаси очилган. Овоз бериш 9 июл куни соат 20:00гача давом этади.
Марказий сайлов комиссияси рўйхатга олган номзодлар:
— Экологик партиядан Абдушукур Хамзаев (Марказий кенгаш ижроия қўмитаси раиси);
— Халқ демократик партиясидан Улуғбек Иноятов (Марказий кенгаш раиси);
— "Адолат" СД партиясидан Роба Маҳмудова (Олий суд раиси ўринбосари);
— O‘zLiDeP партиясидан Шавкат Мирзиёев (амалдаги президент);
"Миллий тикланиш" партиясидан номзод кўрсатилмайди, улар Шавкат Мирзиёевни қўллаб-қувватлайди.
