Беларуслик яна бир вазир кутилмаганда вафот этди
Беларуснинг собиқ ташқи ишлар вазири Владимир Макей ҳам 2022 йил ноябрида кутилмаганда вафот этганди.
Беларус транспорт ва коммуникациялар вазири Aлексей Aврааменко 47 ёшида вафот этди, деб хабар бермоқда БелТA ахборот агентлиги.
Очиқ манбалардан олинган маълумотларга кўра, Aврааменко ўз фаолиятини бошиданоқ йўл қурилиши соҳасида ишлаган - Беларус давлат политехника академиясини тамомлагач, йўл қурилиш бошқармаси ва трестда ишлаган.
2006 йилдан бери Aврааменко ҳукуматда, Беларус Вазирлар Кенгашининг Транспорт ва коммуникациялар департаментидан бошлаб ишлаган. 2013 йилдан Транспорт ва коммуникациялар вазирлигида вазир ўринбосари, 2016 йилда биринчи ўринбосари лавозимларида ишлаган. 2019 йилда Aврааменко вазир этиб тайинланганди.
Ўлим сабаблари очиқланмаган.
Эслатиб ўтамиз, Беларуснинг собиқ ташқи ишлар вазири Владимир Макей ҳам 2022 йил ноябрида кутилмаганда вафот этганди.
