Ўзбекистон Эрон орқали очиқ денгизга чиқмоқчи

Савдо ва транспорт соҳасини ривожлантириш бўйича Ўзбекистон Эрон орқали очиқ денгизга чиқиш йўлларини қидиряпти. Бунда Туркманистон ва Афғонистон орқали йўл очилади.

Бу ҳақда кеча Ўзбекистон президенти Шавкат Мирзиёев Эрон олий диний раҳбари Оятуллоҳ Сайид Али Хоманеий билан учрашувда музокара ўтказган.

Суҳбатда савдо, инновациялар ва юқори технологиялар, инвестициялар, саноат кооперацияси, транспорт ва коммуникациялар, туризм ва маданий-гуманитар алмашинув каби соҳаларда ҳамкорликни кенгайтириш бўйича ҳам фикрлар алмашилган.