Европа миллатлар лигаси: финалчилар аниқ

Нидерландияда Европа миллатлар лигасининг ярим финал учрашувлари якунланди ва финалчилар номи маълум бўлди.

Биринчи жуфтликда Нидерландия ва Хорватия футбол мухлисларига драма қўйиб беришди. Асосий вақтлар 2:2 ҳисобида тугаб, қўшимча вақтларда хорватлар 2 та гол уриб кетишди.

Испания ва Италия ўртасидаги иккинчи ўйин эса муросасиз кечди. Испанларнинг бир голига италянлар пеналтидан жавоб қайтарган бўлса, 88-дақиқада Хоселунинг гол Испанияни финалга олиб чиқди.

Шу тариқа 18 июнь куни Хорватия ва Испания финалда ўйнайди. Нидерландия ва Италия эса 3-ўрин учун кураш олиб боради.

Миллатлар лигаси, ярим финал

Нидерландия - Хорватия - 2:4
Голлар: Дониэлл Мален, 34 (1:0). Андрей Крамарич, 55 пен. (1:1). Марио Пашалич, 72 (1:2). Ноа Ланг, 90+6 (2:2). Бруно Петкович, 98 (2:3). Лука Модрич, 116 пен. (2:4).

Испания - Италия - 2:1
Голлар: Ереми Пино, 3 (1:0). Чиро Иммобиле, 11 пен. (1:1). Хоселу, 88 (2:1).