НАТО йиғилишида Ўзбекистондан ҳам вакил қатнашди

НАТО иттифоқчи ва ҳамкор давлатлари энергетик хавфсизликни муҳокама қилди. Унда Ўзбекистон ҳам иштирок этди.

5 июнь куни НАТО Ҳарбий қўмитаси танланган ҳамкорлар – Жазоир, Озарбайжон, Иордания, Кувайт ва Ўзбекистон билан энергетика хавфсизлиги, ундан кейинги муаммоларни, шунингдек, мавжуд шериклик доирасидаги ҳарбий ҳамкорликни кучайтиришдан фойда кўрадиган асосий йўналишларни муҳокама қилишди.

НАТО Ҳарбий қўмитаси раиси ўринбосари генерал-лейтенант Ленс Ландрум йиғилишда умумий муаммоларни ҳал қилиш ва глобал хавфсизлик масалаларини муҳокама қилиш муҳимлигини таъкидлади.

Муҳокамада муҳим инфратузилма ва энергия хавфсизлиги ҳақида гап кетган ҳамда давлатлар ўзларининг мустаҳкамлигини таъминлашга масъул экани айтилган.