Фермер ва МЧЖ раҳбарлари катта миқдорда имтиёзли кредитни талон-торож қилди
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Сурхондарёнинг Денов ва Шеробод туманларида қарийб 1,3 млрд сўмлик имтиёзли кредит маблағларини ўзлаштирган фермер ва МЧЖ раҳбари аниқланди.
Тезкор тадбирда Денов туманида “F.N.” фермер хўжалиги раҳбари Н.Т. ва бошқалар ҳудудий тижорат банки филиалидан ажратилган 89,8 минг АҚШ доллари миқдоридаги кредит маблағлари эвазига шартномада белгиланган 250 тонналик музлаткич ускуналарини харид қилмасдан кредит маблағларини талон-торож қилган.
Шунингдек, Шеробод туманида “SH.G.” МЧЖ раҳбари О.Т. ва бошқалар ўзаро тил бириктириб, 12 нафар фуқарога лимончиликни ташкил этиш учун ажратилган 354 млн сўм имтиёзли кредит эвазига иссиқхона қуриб бермасдан, ушбу маблағларни ўзлаштиришган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
