Миср компанияси 1,2 млрд. сармоя киритади
Бу ҳақда Шавкат Мирзиёев ва компания раиси Нажиб Савирис билан бўлиб ўтган учрашувда сўз борган.
Жамият
29 май 2023 йил
Мисрнинг Orascom Investment Holding компанияси Ўзбекистонда қўшма “йўл харитаси” доирасида қиймати 1,2 миллиард доллардан зиёд йирик инвестиция киритмоқда.
Бу ҳақда Шавкат Мирзиёев бугун, 29 май куни бўлиб ўтган компания раиси Нажиб Савирис билан учрашувда сўз борган.
Савирис олий даражадаги келишувлар доирасида Ўзбекистонга келган. Учрашувда озиқ-овқат маҳсулотларини ишлаб чиқариш, геология-қидирув ишларини амалга ошириш ва металл конларини ўзлаштириш, замонавий меҳмонхона мажмуаларини барпо этиш ва бошқариш, қуёш ва шамол электр станцияларини қуриш бўйича истиқболли лойиҳалар муҳокама қилинган.
