ДХХ қалбаки 100 минг АҚШ долларини сотаётганларни қўлга олди
4 нафар фуқаро қалбаки 100 минг АҚШ доларини 70 минг АҚШ долларига сотган вақтида ашёвий далиллар билан ушланди.
Жамият
19 май 2023 йил
Давлат хавфсизлик хизматининг Тошкент шаҳар бўйича бошқармаси ходимлари томонидан Бош прокуратура ҳузуридаги Департамент билан ҳамкорликда Сергели туманида ўтказилган тезкор тадбирда 1974 - 1982 йиллар оралиғида туғилган 4 нафар фуқаро 100 минг қалбаки АҚШ долларини 70 минг АҚШ долларига сотган вақтларида ашёвий далиллар билан ушланди.
Шунингдек, улардан бирининг яшаш хонадонидан ҳам 10.950 қалбаки АҚШ доллари тегишли тартибда расмийлаштириб олинди.
