Наманганда мактаб ўқувчиси истироҳат боғида вафот этди
Мазкур ҳолат юзасидан жиноят иши қўзғатилди.
Жамият
16 май 2023 йил
Тармоқларда Наманганда мактаб ўқувчиси аттаракционда жароҳат олиб, вафот этгани хақида видео тарқалди.
Бош прокуратура ушбу ҳолат 14 май куни соат 11:30 ларда содир бўлганини маълум қилди.
Аниқланишича, 12 ёшли бола Наманган шаҳардаги истироҳат боғидаги аттаракционда айланган вақтида бош қисмидан тан жароҳати олиб вафот этган.
Мазкур ҳолат юзасидан прокуратура томонидан Жиноят кодексининг 257-моддаси (Меҳнатни муҳофаза қилиш қоидаларини бузиш) билан жиноят иши қўзғатилган.
Наманган шаҳар ИИО ФМБ ТБ томонидан тергов ҳаракатлари олиб борилмоқда.
