Жидда шаҳрида Ислом тараққиёт банкининг 46 йиллик анжумани бўлиб ўтди

Анжуман доирасида АТ “Алоқабанк” ҳамда Ислом тараққиёт банки гуруҳига кирувчи Хусусий секторни ривожлантириш Ислом корпорацияси ва Халқаро савдо-молия Ислом корпорациялари вакиллари ўртасида ҳамкорлик учрашуви ўтказилди.Учрашув давомида томонлар ўртасида мавжуд ва биргаликда амалга ошираладиган янги ҳамкорлик йўналишлари бўйича музокара олиб борилди.

Мазкур учрашув натижасида АТ “Алоқабанк” ва Ислом тараққиёт банки корпорациялари ўртасида Ўзбекистонда аёллар тадбиркорлигини қўллаб қувватлаш, яшил молиялаш ва энергия тежамкорлигига қаратилган янги лойиҳаларни молиялаштириш каби янги ҳамкорлик йўналишларида ҳамкорлик қилишга келишиб олинди.

Шунингдек, келгусида янги ҳамкорлик йўналишлари, жумладан, ишлаб чиқаришни ҳам манфаатли молиялаш бўйича режалар ҳам муҳокама қилинди.

Реклама