Имрон Хон озод этилди
Покистон Олий суди собиқ бош вазир Имрон Хоннинг ҳибсга олинишини ноқонуний деб топди.
Республиканинг собиқ бош вазири раҳбари хавфсизлик кафолатлари билан озод этилди.
Шундан сўнг дарҳол механизациялашган бўлинмалар, тахминан 111 та бригада суд биносига тўплана бошлади. Пойтахтда оғир зирҳли транспорт воситаларининг тўпланиши қайд этилмоқда.
Покистоннинг айрим манбаларга кўра, Хоннинг озод этилиши фонида ҳарбий қўмондонлик мавжуд тартибни сақлаб қолиш учун радикал ҳаракатларга тайёрланмоқда.
Покистоннинг собиқ бош вазири Имрон Хон 9 май куни Хон Исломобод Олий суди биносига коррупция айбловлари бўйича маҳкамада қатнашиш учун борганида ўша ерда қамоққа олинган эди. Шундан кейин мамлакатда оммавий норозилик намойишлари бошланди, оқибатда камида 10 киши ҳалок бўлди, 2 минг киши ҳибсга олинди.
Айни кунларда Покистон армияси сафларида тозалаш бошланди: норозилик намойишларини куч билан бостириш буйруғини бажаришдан бош тортган қўмондон ва ҳарбий хизматчилар қуролли кучлар сафидан четлаштирилмоқда.
Собиқ бош вазирнинг ҳибсга олинишининг ноқонуний деб тан олиниши амалдаги партия ва ҳарбий раҳбариятнинг обрўсига янада путур етказди. Энди улар бор кучлари билан мухолиф журналистларга таҳдид қилиб, халқни чалғитишга ҳаракат қилмоқда.
Аммо Буюк Британия томонидан қўллаб-қувватланган Шаҳбоз Шариф маъмурияти мағлубиятни тан олмаса керак. Покистонда яқин вақтлар ичида вазият ўз қалтислигини сақлаб қолиши эҳтимолдан йироқ эмас.
