Ўзбекистонда электрон хизматлар кўрсатувчи хорижий компаниялар қанча солиқ тўлаган?
2023 йилнинг январь-апрель ойларида 42 та хорижий компаниялар солиқ тўлаган бўлиб, бу ўтган йилнинг мос даврига нисбатан 1,6 баробарга ошган.
Жамият
9 май 2023 йил
2023 йил январь-апрель ойларида Ўзбекистонда электрон хизматлар кўрсатувчи 42 та хорижий компания томонидан 32,4 млрд сўм солиқ тўланган. Бу ўтган йилнинг мос даврига нисбатан 1,6 баробар кўп.
Электрон хизматлар кўрсатувчи чет эл юридик шахслари ўтган чоракдан кейинги ойнинг 20 кунидан кечиктирмай солиқ ҳисоботларини тақдим этади ва солиқларни тўлайди.
Бунда, тўланган солиқларнинг 95 %и электрон хизматлар кўрсатувчи 10 та хорижий компания ҳиссасига тўғри келади:
- Meta - 12,1 млрд сўм;
- Google - 9,3 млрд сўм;
- Apple - 6 млрд сўм;
- Booking.com - 1,1 млрд сўм;
- Netflix - 1,1 млрд сўм;
- Xsolla - 632,9 млн сўм;
- Yandex - 363 млн сўм;
- Paddle.соm - 321 млн сўм;
- Linkedin - 275,6 млн сўм;
- Adobe Systems - 221 млн сўм.
