Андижонда ҳоким ўринбосари 5,3 млн сўм пора билан ушланди
У Избоскан тумани ҳокимининг инвестиция саноат ва савдо йўналиши бўйича ўринбосари бўлган.
Жамият
10 апрель 2023 йил
Андижонда Избоскан туман ҳокими ўринбосари А.К. жиноят устида қўлга олинди.
Бош прокуратура хабар беришича, Избоскан тумани ҳокимининг инвестиция саноат ва савдо йўналиши бўйича ўринбосари ҳимоя ҳудудидаги ер майдонини амалдаги тартибни бузган ҳолда сотиб олиб беришни эвазига 5,3 млн сўм олган вақтида ушланган.
Унга нисбатан Жиноят кодексининг 168-моддаси (Фирибгарлик) билан жиноят иши қўзғатилган. Тергов ҳаракатлари олиб борилмоқда.
