"Айиқ билан боғлиқ вазиятда ҳеч кимга зарар етмаган" — Табиат ресурслари вазирлиги

Айни пайтда тақдим этилган маълумотларга кўра Қашқадарё вилояти Исрофчи тумани Яшнобод маҳалласи ҳудудига Ўзбекистон Республикаси Қизил китобига киритилган қўнғир айиқ тушиб келган.

Ҳозирда айиқ туманнинг Яшнабод МФЙ Бешчашма ҳудудидан оқиб ўтувчи Қумдарё дарёсига яқин ҳудуддаги жарликда ҳосил бўлган ғор ичига кириб олган.

Ушбу ҳудуд Табиат ресурслари вазирлиги Қашқадарё вилоят бошқармаси ва  туман ҳокимлиги мутасаддилари, туман ички ишлар, Миллий гвардия ва Фавқулодда вазиятлар бўлимлари ходимлари томонидан муҳофазага олиниб, аҳоли ва қўнғир айиқнинг хавфсизлиги таъминланган.

Мазкур ҳудудга вазиятни бартараф этиш мақсадида Тошкент ҳайвонот боғи мутахассисларидан иборат гуруҳ жалб қилинган.

"Айиқ билан боғлиқ вазиятда ҳеч кимга зарар етмаган. Ҳолат бўйича қўшимча маълумот берилади" дея хабар қилган вазирлик.