Москва биржасида рубл рекорд даражада қадрсизланди
Россия валютасининг қадрсизланиши ўзбек сўмига ҳам таъсир қилмоқда.
Москва биржасидаги валюта савдоларида евро курси 2022 йил 23 мартдан бери биринчи марта 111 рублдан ошди. Бу ҳақда аукцион маълумотларида айтилади.
Евро курсининг кескин ўсиши 14 август куни соат 8:00да бошланган, у 108,99 рублдан 110,54 рублгача кўтарилган.
Шунингдек, доллар курси 2022 йил 23 мартдан бери биринчи марта 101 рублдан ошди.
Эслатиб ўтамиз, Россия валютасининг қадрсизланиши ўзбек сўмига ҳам таъсир қилмоқда. Аввалроқ сўм бир кунда долларга нисбатан 400 сўмдан кўпроққа қадрсизланганди.
Рублнинг қулаши июн ойининг охирларидан бошланганди. Биргина 26 июн куни (Пригожин исёнидан сўнг) доллар курси 86,77 рублга, евро эса 94,8 рублга етганди.