Муҳим янгиликлар

Қонунбузилишларга йўл қўйган 3 нафар раҳбар ишдан бўшатилган, 2 нафарига "ҳайфсан" берилган, 96 нафар масъул эса интизомий жавобгарликка тортилиши ҳақида огоҳлантирилган.

​Марко Рубионинг Самарқандга ташрифи Ўзбекистон ва АҚШ муносабатларида янги имкониятларни очиб берадими? Америкалик тадбиркорларнинг қизиқиши, инвестицияларни ҳимоя қилиш, туризм ва ўзбекистонликлар учун АҚШ визаларини олиш масалалари икки томонлама ҳамкорликнинг муҳим йўналишларидан ҳисобланади. Ўзбекистоннинг АҚШ билан алоқалари ва Green Card лотереяси бўйича вазият юзасидан Вашингтондаги консул Аҳрор Бурҳонов билан суҳбатлашдик.

Ислом молиясига мувофиқлаштириш кенгаши (IFCB) 25 октябрь куни «Iman Invest» билан барча ҳамкорликни зудлик билан ва бутунлай тўхтатганини эълон қилди. Кенгаш ўтказган текширувда инвесторлар маблағларидан фойдаланиш билан боғлиқ жиддий қоидабузарликлар аниқлангани билдирилган. «Iman» асосчиси Рустам Раҳматов айбловларни рад этиб, аудитор Маҳмуд Усмон билан келишмовчилик хизмат ҳақлари ва компания акцияларидан улуш сўралиши ортидан келиб чиққанини айтмоқда. Усмон эса бу баёнотларни туҳмат деб атаб, ўз даъволарини тасдиқловчи ҳужжатлар борлигини маълум қилди.

Доналд Трамп Россия президенти Владимир Путин ва Хитой раиси Си Цзиньпин билан учрашиб, Украина урушини муҳокама қилмоқчи. ОАВга кўра, Кремлнинг асосий мақсади — учта супердавлат ўртасида таъсир доираларининг янги тақсимотини мустаҳкамлаш ҳамда Украинани ва АҚШнинг Европадаги иттифоқчиларини музокаралар жараёнидан бутунлай четлаштиришдан иборат.

Ўзбек халқининг тил ва маданий бирлигини сақлаш йўлидаги жиддий муаммолардан бири — турли мамлакатларда истиқомат қилаётган ўзбеклар учун умумий қабул қилинган ягона ёзув стандартининг мавжуд эмаслигидир. Бугунги кунда Ўзбекистон, Афғонистон, Тожикистон, Қирғизистон, Қозоғистон, Россия ва бошқа давлатларда яшовчи ўзбеклар умумий тил ва маданий маконга мансуб бўлсалар-да, айни бир тилни ёзма шаклда ифодалаш учун турли алифболардан фойдаланмоқдалар.

Ўзбекистонда электр энергияси ишлаб чиқариш қувватлари эҳтиёжни қоплаш учун етарли захирага эга эканлиги айтилмоқда. Бироқ бу қиш мавсумида аҳоли электр таъминотида узилишлар бўлмаслигини кафолатлайдими? Энергетика соҳаси вакили бу борада изоҳ бериб, мамлакатда электр энергияси ишлаб чиқариш қувватлари ортиғи билан мавжудлигини таъкидлади.

АҚШ президенти Доналд Трамп Украинага янги президент кераклигини очиқ айтди. У Владимир Зеленскийни Россия билан тинчликка эришиш имкониятларидан фойдаланмаганликда, шунингдек, Россия нефтни қайта ишлаш заводларига зарбалар орқали жаҳон ёқилғи бозоридаги вазиятни оғирлаштиришда айблади. Бу баёнотлар Трампнинг Владимир Путин билан Россия дизелини АҚШ ва халқаро бозорларга етказиб бериш бўйича келишувга эришганини эълон қилиши ортидан янгради.

Миллатчи ҳаракат партияси раҳбари Девлет Баҳчели икки гуруҳнинг оммавий майдондаги вакиллари - Седат Шаҳин ва Бурҳонеттин Сарални қабул қилди. Бу фақат хусусий қасос занжирини тўхтатишга уриниш эмас эди. Сиёсий нуқтаи назардан, мазкур учрашув нуфузли партия полиция, прокуратура ва суд ваколатига кириши лозим бўлган соҳада ҳам воситачи бўла олишини кўрсатди.

Ҳали инсоният Covid-19 пандемияси ваҳималарини тўлиқ унутмасдан, 2026 йил октябрида Иркутскдаги Ўлатга қарши кураш институти ходимаси билан боғлиқ воқеа янги эпидемия ҳақидаги хавотирларни кучайтириб юборди. "Ўлат" сўзи кўпчилик тасаввурида ўрта аср шаҳарлари, ҳувиллаб қолган кўчалар ва оммавий ўлим манзараларини уйғотади. Аммо илмий нуқтаи назардан ўлат ўтмишда қолиб кетган касаллик эмас. Унинг қўзғатувчиси табиатда доим инсониятга ҳамроҳ бўлиб келган. 

Бузғунчи шиа жангарилари, "Ансор уллоҳ" - ҳусийлар ҳаракатининг асосий кучи -  унинг классик армиялар билан тенг қуролланганида эмас. Ҳусийлар ўн йилдан ортиқ давом этган уруш натижасида асимметрик кураш усулларини ўзлаштирди: ракета ва дрон имкониятлари, тарқоқ ҳарбий тузилма, денгиз коммуникацияларига босим ва маҳаллий ижтимоий-сиёсий таянч бир тизимга бирлашди. Эроннинг ҳарбий-сиёсий кўмаги бу салоҳиятни кучайтирди.

Президент фармони билан Мактабгача ва мактаб таълими вазирлиги ҳамда Олий таълим, фан ва инновациялар вазирлиги Таълим ва илм-фан вазирлиги сифатида қайта ташкил этилди. 

Санэпидқўмита Россияда ўлат тарқалгани бўйича хабарларни изоҳлади. Айни пайтда касаллик билан боғлиқ маълумотлар ўрганилмоқда.