Surxondaryo viloyati hokimligi rahbariyati
Eng gʻalvali, kadrlar qoʻnimsizligi koʻp uchraydigan hududni kimlar boshqaryapti?
Qosimov Ulugʻbek Berdiqobilovich 1983 yilda tugʻilgan, 2005 yilda Samarqand davlat universitetini tamomlagan. U faoliyati davomida Surxondaryo viloyati Qumqoʻrgʻon tumani prokurori, Muzrabot va Denov tumanlari hokimi, viloyat prokurori sifatida ishlagan. 2019-2021 yillarda Fargʻona viloyati prokurori boʻlgan. 2021-2022 yillarda Toshkent shahar prokurori boʻlib mehnat qilgan. 2022 yil dekabr oxirida Surxondaryo viloyati hokimi vazifasini bajaruvchisi etib tayinlangandi. 2023 yildan boshlab Surxondaryo viloyati hokimi boʻlib kelmoqda.
Boshqa tafsilotlar bilan yuqoridagi videoda tanishing.
Hokim oʻrinbosarlari
Rajabov Sherzod Abdimuratovich – hokimning moliya-iqtisodiyot va kambagʻallikni qisqartirish masalalari boʻyicha birinchi oʻrinbosari 1984 yil Qiziriq tumanida tugʻilgan. Termiz davlat universitetini va Toshkent davlat iqtisodiyot universitetini tamomlagan.
Joʻrayev Sherali Xolmahamadovich – hokim oʻrinbosari – viloyat investitsiyalar, sanoat va savdo boshqarmasi boshligʻi 1984 yil Oltinsoy tumanida tugʻilgan. Termiz davlat universitetini, Davlat boshqaruvi akademiyasini tamomlagan.
Amirov Alisher Xurramovich – hokimning qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari 1977 yil Boysun tumanida tugʻilgan. Toshkent avtomobil yoʻllari institutini, Davlat boshqaruvi akademiyasini tamomlagan.
Saparov Ilhom Ochilovich – hokimning yoshlar siyosati, ijtimoiy rivojlantirish va maʼnaviy-maʼrifiy ishlari boʻyicha oʻrinbosari 1975 yil Termiz tumanida tugʻilgan. Termiz davlat universitetining bakalavr, magistr yoʻnalishlarini tugatgan.
Toʻrayev Joʻrabek Abdullayevich – hokimning turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosari – viloyat turizm va sport bosh boshqarmasi boshligʻi 1984 yil Boysun tumanida tugʻilgan. Termiz davlat universiteti, Davlat boshqaruvi akademiyasini tamomlagan.
Abduraxmanov Abdurasul Nosirjon oʻgʻli – hokimning jamoat va diniy tashkilotlar bilan aloqalar boʻyicha oʻrinbosari 1990 yil Namangan viloyati Chortoq tumanida tugʻilgan. Davlat xavfsizlik xizmati institutini tamomlagan.
Xidirova Zulxumor Abdirashidovna – hokim oʻrinbosari – Oila va xotin-qizlar boshqarmasi boshligʻi 1968 yilda Shoʻrchi tumanida tugʻilgan. Termiz davlat universitetini tamomlagan.
Ismoilov Farxodjon Voxobovich – hokimning qishloq va suv xoʻjaligi masalalari boʻyicha oʻrinbosari 1970 yil Fargʻona viloyati Quva tumanida tugʻilgan. Fargʻona politexnika institutini, Toshkent davlat yuridik institutini tamomlagan.
Qashqadaryo viloyati hokimligi
Vazirliklar rahbariyati bilan bu yerda tanishish mumkin.
