Oliy taʼlim vazirining barcha oʻrinbosarlari ishdan olindi
Taʼlim sifatini taʼminlash milliy agentligi va Innovatsion rivojlanish agentligi direktorlari ham lavozimidan ketdi.
Oliy taʼlim, fan va innovatsiyalar vazirining birinchi oʻrinbosari Daliyev Shaxrux Xojakbarovich, oʻrinbosarlari Maxkamov Otabek Muxtarovich va Buzrukxonov Sarvarxon Munavarxonovich ishdan olindi.
Bundan tashqari, Taʼlim sifatini taʼminlash milliy agentligi direktori Adham Xudoyqulov va Innovatsion rivojlanish agentligi direktori Sharof Rajabbayev ham lavozimidan ozod etilgan.
Vazir oʻrinbosarlari 2024 yil aprel oyida ushbu lavozimlarga tayinlangan edi. Taʼlim sifatini taʼminlash milliy agentligi direktori Adham Xudoyqulov esa shu yil may oyida ish boshlagandi.