Қурилиш ва уй-жой коммунал хўжалиги вазири ишдан кетди
Шерзод Ҳидоятов вазир вазифасини бажарувчи этиб тайинланди.
![Қурилиш ва уй-жой коммунал хўжалиги вазири ишдан кетди](https://cp.platina.uz/media/CACHE/images/ca0ec50339b67598fc66e05e6b77143b.30584ba1bd20.webp)
Қурилиш ва уй-жой коммунал хўжалиги вазири Ботир Зокиров соғлиги туфайли лавозимидан озод этилди.
Вазирнинг биринчи ўринбосари Шерзод Ҳидоятов вазир вазифасини бажарувчи этиб тайинланди. Бу ҳақда президент ўтказаётган йиғилишда маълум қилинди.
Йиғилиш кун тартибидаги навбатдаги масала – қурилиш ва транспорт комплексидаги устувор вазифалар муҳокама қилинган.
Қурилиш соҳаси ярим йилда 10 фоизга ўсиб, 80 триллион сўмга етди. Шундай бўлса-да, хотиржамликка берилмай, қурилишда таннархни пасайтириш бўйича жиддий шуғулланадиган вақт келгани таъкидланди.
Қурилиш таннархи фақат ер ва қурилиш материалларига боғлиқ эмаслиги, техник талабларни мослаштириш, лойиҳани келишиш, қурилишга рухсат олишдаги мураккаб тартиботлар ҳам таннархга таъсир қилиши қайд этилди.