Жиззахдаги 550 МВт қувватли янги иссиқлик электр станцияси тармоққа уланди
Янги станция йилига 4,4 млрд кВт·соат электр энергияси ишлаб чиқариш ва 500 млн куб метр табиий газни тежаш имкониятига эга. Таққослаш учун, ушбу ҳажмдаги электр энергияси ўртача 1,8 млн хонадоннинг бир йиллий истеъмолини ташкил қилади.

Жиззахдаги 550 МВт қувватли янги иссиқлик электр станцияси тармоққа уланиб, электр энергияси етказиб беришни бошлади.
Энергетика вазирлиги Ўзбекистон энергетикаси, аҳолиси ва иқтисодиёти учун яна бир муҳим янгиликни маълум қилди.
Жиззах вилоятининг Шароф Рашидов туманида қурилган 550 МВт қувватли янги иссиқлик электр станцияси Ўзбекистон ягона энергетика тизимига уланди ва илк генерация қувватларни тармоққа узатишни бошлади.
Янги станция йилига 4,4 млрд кВт·соат электр энергияси ишлаб чиқариш ва 500 млн куб метр табиий газни тежаш имкониятига эга. Таққослаш учун, ушбу ҳажмдаги электр энергияси ўртача 1,8 млн хонадоннинг бир йиллий истеъмолини ташкил қилади.

Э
Бу эса аҳолини барқарор электр энергияси билан таъминлаш, саноат корхоналарининг узлуксиз ишлаши ва мамлакатимиз иқтисодиёти ривожи учун муҳим аҳамиятга эга.
Маълумот учун: Бу Жиззах вилоятидаги биринчи йирик иссиқлик электр станцияси ҳисобланади. Шу пайтгача вилоятда битта кичик гидроэлектр станцияси ва иккита йирик қуёш электр станцияси мавжуд эди





