Зарарли APK файллар орқали 1 млрд сўмни ўзлаштирган "Санжик" қўлга олинди
Қорақалпоғистонда фуқароларнинг банк карталаридан пулларни ноқонуний ечиб олиш билан шуғулланган шахс аниқланди.

Telegram’да "Санжик" тахаллуси билан кибержиноят содир этган шахс қўлга олинди. Бу ҳақда ИИВ матбуот хизмати хабар берди.
Қорақалпоғистон Республикасида фуқароларнинг банк карталаридан пулларни ноқонуний ечиб олиш билан шуғулланган шахс қўлга олинган. У Telegram орқали тарқалаётган зарарли APK файллар ёрдамида фуқароларнинг банк карталаридаги маблағларни ноқонуний ўзлаштирган.
Жами 1 млрд сўм ноқонуний ўзлаштирилган.
Текширув давомида ёзишмаларда 162 та банк пластик картаси маълумотлари мавжудлиги аниқланган. Ҳолат бўйича суд қарорига асосан кибержиноятчига нисбатан қамоққа олиш эҳтиёт чораси қўлланилган.





