AI-80 бензини яна биржа савдосига чиқарилди
Запрвакаларда энди AI-80 бензинини сотиш бошланадими? Энергетика вазирлиги ойдинлик киритди.

Энергетика вазирлиги Ўзбекистонда Аи-80 маркали бензиннинг биржа савдоларига чиқарилиши юзасидан изоҳ берди.
Вазирлик маълумотларига кўра, биржа савдоларига чиқарилган Аи-80 бензини қайта ишлаш корхоналарида хом ашё сифатида фойдаланиш учун мўлжалланган. Ушбу маҳсулотдан технологик қайта ишлаш орқали юқори октанли бензин ва бошқа кимёвий маҳсулотлар ишлаб чиқаришда фойдаланиш мумкин.
Савдо шартларига кўра, Аи-80 бензинини фақат тегишли лицензияга эга қайта ишлаш корхоналари харид қилиши мумкин.
Энергетика вазирлиги мазкур савдолар Аи-80 бензинининг автомобилларга ёнилғи қуйиш шохобчаларида қайта сотила бошлашини англатмаслигини таъкидлаган. Уни автомобилларга ёнилғи сифатида сотиш бўйича амалдаги чекловлар ўз кучида қолади.





