Шавкат Мирзиёев дунёнинг энг нуфузли 50 мусулмони қаторига кирди
Рўйхат Иорданиядаги Қироллик ислом стратегик тадқиқотлар маркази (RISSC) томонидан тайёрланган The Muslim 500 нашрида эълон қилинди.
Ўзбекистон президенти Шавкат Мирзиёев 2027 йил учун тузилган дунёнинг 500 нафар энг нуфузли мусулмони рейтингида 40-ўринни эгаллади.
Рўйхат Иорданиядаги Қироллик ислом стратегик тадқиқотлар маркази (RISSC) томонидан тайёрланган The Muslim 500 нашрида эълон қилинди.
Ўзбекистон президенти аввалги йилларда ҳам мазкур рўйхатдан ўрин олган. Бироқ 2024–2026 йилги нашрларда у аниқ ўринлар белгиланмаган 450 нафарлик рўйхатда эди. 2027 йилги рейтингда эса илк бор энг нуфузли 50 мусулмон қаторига кирди.
Нашр муаллифлари Ўзбекистон президентининг фаолиятини бир нечта йўналиш бўйича баҳолаган.
Хусусан, валюта ислоҳоти, иқтисодиётни эркинлаштириш, хорижий инвестицияларни жалб қилиш, савдо алоқаларини кенгайтириш ва пахтачиликда тизимли мажбурий меҳнатга барҳам берилиши қайд этилган.
Шунингдек, Марказий Осиё давлатлари билан муносабатларни яхшилаш, минтақавий ҳамкорликни кучайтириш ва Ўзбекистоннинг халқаро майдондаги фаоллигини оширишга алоҳида эътибор қаратилган.
Рейтинг бошидан Саудия қироллик вакиллари, Туркия ва Покистон раҳбарлари, Эрон олий раҳбари ҳам жой олган.
