Ўзбекистон 720 миллион долларлик халқаро иқлим дастурига киришга эришди
COP31 конференцияси доирасида саноатни "яшиллаштириш" ва иқлим ўзгаришига чидамлиликни оширишга қаратилган "Transformation Pathways Initiative" халқаро дастури тақдим этилди.
Ўзбекистон 720 миллион долларлик халқаро иқлим дастурига кирди.
COP31 конференцияси доирасида саноатни "яшиллаштириш" ва иқлим ўзгаришига чидамлиликни оширишга қаратилган "Transformation Pathways Initiative" халқаро дастури тақдим этилди.
Ўзбекистон ушбу дастур қамраб олган 10 та давлат қаторидан жой олди.
Дастурнинг умумий қиймати 720 млн доллар бўлиб, шундан 187 млн доллари Яшил иқлим жамғармаси (GCF), 533 млн доллари эса қўшма молиялаштириш ҳисобидан жалб этилади. Лойиҳа БМТнинг UNIDO ташкилоти ва «Finance in Motion» инвестиция компанияси иштирокида амалга оширилади.
Бу Ўзбекистонга нима беради?
Маблағлар маҳаллий банклар орқали корхоналарга кредит ва тўғридан-тўғри инвестиция шаклида ажратилади.
Хусусан, тўқимачилик, кимё, қурилиш ва агросаноат корхоналарини модернизация қилиш, энергия тежамкор технологиялар ҳамда қайта тикланувчи энергетикани жорий этиш молиялаштирилади.
Қайси давлатга қанча маблағ тегиши тақдим этиладиган лойиҳалар сараловида ҳал бўлади — ҳозирда Экология ва иқлим ўзгариши миллий қўмитаси банклар ҳамда корхоналар билан лойиҳалар портфелини шакллантирмоқда.
