"Дала чиптаси" бўйича хабарлар инкор этилди
Яйловларда ўт ўришни пуллик қилиш эмас, аксинча жамоат яйловларини текинга бериб, одамлар учун ундан бепул фойдаланиш тартиблари белгиланмоқда.
Қонунчилик палатаси матбуот хизмати "дала чиптаси" бўйича хабарларни инкор этди.
Айрим ижтимоий тармоқларда "Энди ўт ўришга ҳам чипта сотиб олиш керак экан, пул тўлаш керак экан" деган мазмунда тарқалаётган хабар асоссиз экани айтилди.
Қонунчилик палатасида муҳокама қилинаётган "Яйловлар тўғрисида"ги қонун лойиҳаси аҳоли ва бизнес учун ортиқча юкламалар эмас, балки янада қулай имкониятлар яратишни назарда тутган.
Ҳужжатда яйловларда ўт ўришни пуллик қилиш эмас, аксинча жамоат яйловларини текинга бериб, одамлар учун ундан бепул фойдаланиш тартиблари белгиланмоқда.
