Экостикер олмаган ҳайдовчиларга жарима: ЙҲХХ изоҳ берди
Шунингдек, "экостикер пуллик бўлади" мазмунидаги хабарлар ҳам тарқалган.
Йўл ҳаракати хавфсизлиги хизмати экостикерлар бўйича хабарларга изоҳ берди.
Ижтимоий тармоқларда "1 январдан бошлаб экостикер олмаган ҳайдовчиларга БҲМнинг 10 баравари миқдорида жарима қўлланилади" ҳамда "экостикер пуллик бўлади" мазмунидаги хабарлар тарқалмоқда.
Йўл ҳаракати хавфсизлиги хизмати мазкур хабарларни тасдиқловчи қонуний асослар мавжуд эмаслигини маълум қилди.
"Йўл ҳаракати хавфсизлигига оид маълумотларни фақат ваколатли идораларнинг расмий саҳифаларидан олишингизни сўраймиз" дейилади изоҳда.
Аввалроқ чорраҳа ва қайрилиб олиш жойлари яқинида йўл чизиғини босганлик учун баённома расмийлаштирилмаслиги маълум бўлганди.
