Чорраҳа ва қайрилиб олиш жойлари яқинида йўл чизиғини босганлик учун баённома расмийлаштирилмайди
Бу ҳақда Вазирлар Маҳкамасининг 29 октябрдаги қарорида маълум қилинган.
Энди чорраҳа ва қайрилиб олиш жойлари яқинида йўл чизиғини босганлик учун ЙПХ ходимлари томонидан маъмурий баённома расмийлаштирмайди.
Бу ҳақда Вазирлар Маҳкамасининг жорий йил 29 октябрдаги 596 сон қарорида гап боради.
Яъни 1 ноябрдан бошлаб чорраҳагача 50 метр, қайрилиб олиш жойигача 20 метр масофада 1.1 ва 1.3 йўл ётиқ чизиқларини босиб ҳаракатланиш учун ЙПХ инспекторлари томонидан маъмурий баённома расмийлаштирилмайди.
Махсус автоматлаштирилган фото ва видео қайд этиш дастурий-техник воситалари орқали ҳайдовчиларнинг транспорт воситаларини бошқариш ва йўловчилар ташишда хавфсизлик камаридан фойдаланиш қоидаларига риоя этмаслик қоидабузарликларини қайд этишга рухсат берилади.
Яъни энди камар тақмаслик ҳолатини техник талабларга жавоб берадиган, маълумотларни “Маъмурий амалиёт” модулига автоматик равишда узатиш имкониятига эга бўлган қурилмалар ҳам аниқлаши мумкин.
