Тошкентда ноқонуний қурилган кўп қаватли уйлар сони ошкор қилинди
Қурилиш вазири Қонунчилик палатасида ўтган йиғилишда умумий ноқонуний қурилиш объектлари сонини кўп қаватли уйлар сони сифатида келтириб юборган. Вазир ушбу хатолик учун узр сўради.
Қурилиш ва уй-жой коммунал хўжалиги вазирлиги Тошкентдаги ноқонуний қурилишлар сонига оид маълумотни аниқлаштирди.
Расмий тушунтиришга кўра, пойтахтда 320 дан ортиқ ноқонуний қурилиш объекти аниқланган. Бу кўрсаткичга якка тартибдаги хонадонлар, дўконлар, киосклар, павильонлар ва бошқа иншоотлар ҳам киради.
Ноқонуний қурилган кўп қаватли уйлар сони эса 61 тани ташкил этади.
Қурилиш ва уй-жой коммунал хўжалиги вазири Олий Мажлис Қонунчилик палатасида ўтган йиғилишда аввалги жавобда умумий қурилиш объектлари сонини кўп қаватли уйлар сони сифатида келтириб юборган. Вазир ушбу хатолик учун узр сўраган.
