Дэвид Бекхэм ФИФА президенти бўлиши мумкин
Амалдаги раҳбар Жанни Инфантино ЖЧни хусусий бошқарувга бериш масаласида можаро марказига тушиб қолганди.
Sky Sports хабарига кўра, Англия терма жамоасининг собиқ ярим ҳимоячиси ва Американинг "Интер Майами" клубининг ҳамраиси Дэвид Бекхэм Xалқаро Футбол Ассоциациялари Федерацияси (ФИФА) президенти лавозимига номзод сифатида кўриб чиқилмоқда.
Манбага кўра, Европа Футбол Ассоциациялари Иттифоқи (UEFA), Шимолий, Марказий Америка ва Кариб денгизи футболи конфедерацияси (CONCACAF) ва Германия Футбол Ассоциацияси (DFB) амалдаги ФИФА президенти Жанни Инфантинонинг истеъфосини талаб қилиш учун коалиция тузишни режалаштирмоқда.
51 ёшли Бекхэм ушбу коалиция томонидан кўриб чиқилаётган етакчи номзодлардан бири.
Футбол расмийлари унинг халқаро миқёсдаги машҳурлиги, обрўси ва Қўшма Штатларда футбол лойиҳаларини ривожлантириш тажрибаси глобал футбол ҳамжамиятини бирлаштиришга ёрдам бериши мумкинлигига ишонишади.
Жанни Инфантино 2016 йил февраль ойидан бери FIFA президенти лавозимида ишлаб келмоқда.
Футболчилик фаолияти давомида Бекхэм "Манчестер Юнайтед"," Реал Мадрид", "Милан" ва "ПСЖ" (Пари Сен-Жермен) каби клубларда ўйнаган. Бироқ, унинг ФИФА президенти лавозимига расмий номзоди бўлиши ҳақида ҳозирча ҳеч қандай расмий маълумот йўқ.
