АҚШда Инфантинонинг Трамп билан алоқалари текширилади
Конгрессмен Жейми Раскин Инфантинони тергов доирасида шахсан гувоҳлик беришга ва Доналд Трампга ёки у билан боғлиқ шахсларга тақдим этилиши мумкин бўлган совғалар, тўловлар ёки бошқа имтиёзлар ҳақида ҳужжатларни тақдим этишга чақирди.
АҚШ Вакиллар палатаси аъзоси Жейми Раскин ФИФА президенти Жанни Инфантинога нисбатан тергов ташаббуси билан чиқди ва унинг Трамп маъмурияти билан алоқалари тафсилотларини талаб қилди.
ТАСС хабарига кўра, конгрессмен ФИФА раҳбарига тегишли хат юборди.
Раскин ФИФА ходимлари ва Трамп маъмурияти ва унинг инаугурация қўмитаси вакиллари ўртасидаги барча ёзишмаларни, жумладан, Signal, Telegram, WhatsApp хабар алмашиш иловалари ва Х ва Truth Social платформаларидаги хабарларни сақлашни талаб қилди.
Бундан ташқари, конгрессмен Инфантинони тергов доирасида шахсан гувоҳлик беришга ва Доналд Трампга ёки у билан боғлиқ шахсларга тақдим этилиши мумкин бўлган совғалар, тўловлар ёки бошқа имтиёзлар ҳақида ҳужжатларни тақдим этишга чақирди.
Сўровда шунингдек, ФИФА тадбирлари чипталари савдоси ҳақидаги материаллар, АҚШ расмийлари билан алоқалар ҳақидаги маълумотлар ва Трамп тегишли бинодаги федерация офисига ташрифлар журнали ҳам мавжуд.
Эслатиб ўтамиз, CityAm нашри аввалроқ Fair Square нотижорат ташкилоти Инфантинонинг хатти-ҳаракатлари бўйича Халқаро Олимпия Қўмитасига шикоят қилгани ҳақида хабар берган эди.
Нашрнинг ёзишича, ФИФА президенти Трампнинг босими остида 2020 йилда тижорат ва сиёсий манфаатлардан мустақил равишда ҳаракат қилиш ҳақидаги қасамини бузган.
