Саида Мирзиёева Гонконгдаги йирик холдинг бошқарув раиси билан учрашди
Унда қайта тикланувчи энергетика, Янги Тошкент инфратузилмасини ривожлантириш ва таълим соҳаларидаги истиқболли қўшма лойиҳаларни муҳокама қилинди.
Президент Администрацияси раҳбари Саида Мирзиёева ХХРнинг Гонконг махсус маъмурий ҳудудидаги энг йирик холдинглардан бири — “Henderson Land Group” бошқаруви раиси Питер Ли билан учрашув ўтказди.
Унда қайта тикланувчи энергетика, Янги Тошкент инфратузилмасини ривожлантириш ва таълим соҳаларидаги истиқболли қўшма лойиҳаларни муҳокама қилинди
"Мамлакатимиз инвестициялар учун очиқ ва биз Гонконгнинг етакчи бизнес доиралари билан ҳамкорликдан манфаатдормиз. Шерикликдаги ташаббусларни, жумладан, янги ташкил этилаётган Тошкент халқаро молия маркази орқали ҳам қўллаб-қувватлашга тайёрмиз",—дейди ПА раҳбари.
Мирзиёева Ўзбекистон ва Гонконг ўртасида узоқ муддатли иқтисодий ҳамкорликни ривожлантириш учун катта имкониятлар борлигига ишонишини билдирди.
