Фарғонада машинани ҳужжатсиз бошқарган ёш йигит ЙТҲ қурбони бўлди
Ўспирин аввал ҳам автомобилни ҳужжатсиз бошқаргани учун огоҳлантирилган ва унга чора кўрилган. Аммо йигит бундан хулоса чиқармаган.
Фарғона вилоятида ҳайдовчилик гувоҳномаси бўлмаган ёш йигит енгил автомобилни юқори тезликда бошқариб, автоҳалокатга учради.
ЙҲХХ ҳодиса ҳақида маълум қилиб, йўл ҳаракати қоидаларининг қўпол бузилиши ўлим билан якунланганини қайд этди.
Маълум бўлишича, Қўқон шаҳрида яшовчи фуқаро аввал ҳам автомобилни ҳужжатсиз бошқаргани учун огоҳлантирилган ва унга чора кўрилган.
Бундан хулоса чиқармаган ўспирин Фурқат туманида катта тезликда ҳаракатланаётганда ЙТҲга учради. Унинг шериги тан жароҳатлари олган.
Ҳайдовчи эса ҳодиса оқибатида ҳалок бўлди.
