"Қорақалпоғистонга йўналтирилаётган инвестициялар ҳажми ортиб, янги салмоқли лойиҳалар кўпаймоқда" – Саида Мирзиёева

Саида Мирзиёева президент билан бирга Қорақалпоғистондаги қатор объектларда бўлди.

Таъкидланишича, ташрифнинг асосий воқеаси энергетика, саноат, транспорт, тиббиёт, рақамли инфратузилма ва бошқа соҳалардаги қатор йирик лойиҳаларга старт берилгани бўлди. Уларнинг аксарияти нуфузли хорижий ҳамкорлар билан биргаликда амалга оширилмоқда.

“Бу — мамлакатимизга бўлган юксак ишонч ҳамда тадбиркорлик учун яратилаётган қулай шарт-шароитларнинг амалий тасдиғидир.

Биз йўлимизда қатъий давом этамиз: сармоялар оқимини янада кучайтириш, халқаро ҳамкорлар сафини кенгайтириш ва кўлами бундан-да улкан янги лойиҳаларни ишга тушириш бош мақсадимиз бўлиб қолади”, – деб ёзди Президент администрацияси раҳбари.