Саида Мирзиёева жамоаси билан таҳлилий муҳокама ўтказди
"Ҳар бир мавзунинг бутун жамоа иштирокида муҳокама қилиниши – вазиятни кенгроқ баҳолаш, янги имкониятларни кўра олиш ҳамда энг мақбул ёндашувларни топишга хизмат қилади", дея таъкидлади Президент Администрацияси раҳбари.
Саида Мирзиёева ўз жамоаси билан таҳлилий муҳокама ўтказди.
Президент администрацияси раҳбари ўз телеграм-саҳифасида жамоа билан муҳим йўналишлар ва яқин келажакда амалга оширилиши мумкин бўлган йирик лойиҳалар атрофлича кўриб чиқилгани ҳақида ёзиб қолдирди.
"Биз доимий равишда мана шундай очиқ форматда иш олиб борамиз: устувор вазифаларни белгилаймиз, долзарб масалаларни таҳлил қиламиз, турли ечимларни ўртага ташлаб, улар орасидан энг самаралиларини танлаб оламиз.
Ҳар бир мавзунинг бутун жамоа иштирокида муҳокама қилиниши – вазиятни кенгроқ баҳолаш, янги имкониятларни кўра олиш ҳамда энг мақбул ёндашувларни топишга хизмат қилади", дея таъкидлаган Мирзиёева.
Якунда аниқ вазифалар белгиланиб, Давлат раҳбарига тақдим этиладиган асосли таклифлар жамланади.
