Халқаро тан олинган визаларга эга хорижликларнинг Ўзбекистонга кириши соддалаштирилади

Халқаро тан олинган визаларга эга хорижликларнинг Ўзбекистонга кириши соддалаштирилади.

“Халқаро тан олинган визаларга эга бўлган хорижий фуқаролар учун Ўзбекистон Республикасига кириш тартибини соддалаштириш тўғрисида”ги Президент Фармони (ПФ–180-сон, 29.08.2026 й.) қабул қилинди.

Фармонга кўра, 2026 йил 1 сентябрдан Австралия, АҚШ, Буюк Британия ва Шимолий Ирландия Бирлашган Қироллиги, Канада, Корея Республикаси, Шенген келишуви иштирокчилари бўлган давлатлар, Янги Зеландия ва Япониянинг амалдаги кўп марталик бизнес ва туризм тоифасидаги кириш визасига эга бўлган ҳамда ўз ёки учинчи мамлакатга учиш авиачиптасини тақдим қилган Ҳиндистон Республикаси фуқаролари учун:

- ушбу хорижий визалардан бирининг амал қилиш муддати мобайнида Ўзбекистон Республикаси ҳудудига кирган кундан эътиборан 30 кунгача бўлган муддатга визасиз режим амалиёти жорий этилади.