FT: АҚШ ҳукумати дунё бўйлаб иммиграцион виза аризаларини қабул қилишни тўхтатди
Ўтган ҳафта АҚШ федерал суди 75 мамлакат фуқаролари учун (улар орасида Ўзбекистон ҳам бор) узоқ муддатли иммиграцион визаларга қўйилган тақиқни бекор қилганди.
АҚШ президенти маъмурияти бутун дунё бўйлаб иммиграцион виза аризаларини қабул қилишни тўхтатди, деб хабар беради Financial Times (FT) нашри.
АҚШ Давлат департаменти газетага берган маълумотига кўра, консуллик ходимлари учун АҚШ ҳукумати ёрдамига муҳтож бўлган шахсларни текшириш бўйича "чуқур тренинг" ўтказиш тўғрисида қарор қабул қилинган.
Суҳбат режалаштирган аризачиларга учрашувларни қайта режа қилиш тўғрисида хатлар юборилди. Уларга кейинроқ янги сана ва вақт ваъда қилинди.
Таъкидлаш керак, ўтган ҳафта АҚШ федерал суди 75 мамлакат фуқаролари учун узоқ муддатли иммиграцион визаларга қўйилган тақиқни бекор қилганди.
Суд тақиқ Конгресс томонидан консуллик хизматларига визалар бўйича берилган "ваколат ва ихтиёр"ни бузган деб топди.
Иммиграцион визаларга тақиқ январ ойида 75 мамлакат фуқароларига нисбатан жорий қилинган эди. Бу Ўзбекистон, шунингдек, Бразилия, Сомали, Эрон, Ироқ, Миср, Нигерия, Таиланд, Яман ва бошқа мамлакатлардан келган аризаларга таъсир кўрсатди. Расмийларнинг фикрига кўра, ушбу мамлакатлардан келган ариза берувчилар имтиёзларга эга бўлишлари эҳтимоли катта.
