Қирғизистон ва Тожикистон фуқаролари АҚШ визаси олишда 15 минг долларгача гаров пули қўйиши лозим бўлади
Мазкур депозит визани кафолатламайди. Тўлов виза талаблари бажарилган тақдирда ёки виза рад этилган тақдирда қайтарилади.
Тожикистон ва Қирғизистон фуқаролари АҚШ визасини олиш жараёнида 15 минг доллар гаров пули қўйишлари керак бўлади.
Давлат департаменти веб-сайтига кўра, фуқаролари кириш визасига мурожаат қилишда 15 000 долларгача бўлган кафолат депозитини қўйишлари шарт бўлган давлатлар рўйхатига яна 25 мамлакатни қўшилди.
Виза аризаси хавфсизлиги талаби 21 январьдан кучга киради. Рўйхатга Жазоир, Ангола, Антигуа ва Барбуда, Бангладеш, Бенин, Бурунди, Кабо-Верде, Кот-дъИвуар, Куба, Жибути, Доминика, Фижи, Габон, Қирғизистон, Непал, Нигерия, Сенегал, Тожикистон, Того, Тонга, Тувалу, Венесуэла ва Зимбабве киритилган.
Ариза берувчилардан 5 000 дан 15 000 АҚШ долларигача бўлган гаров пули қўйишлари талаб қилинади, унинг миқдори виза суҳбати натижаларига кўра аниқланади. Кафолат депозитини жойлаштириш визани кафолатламайди. Тўлов виза талаблари бажарилган тақдирда ёки виза рад этилган тақдирда қайтарилади.
Рўйхатга киритилган мамлакатларнинг умумий сони 38 тага етди. Рўйхатга аввал Марказий Осиёдан Туркманистон ҳам қўшилган эди.