Саида Мирзиёева май ойида белгиланган режалар ижросини текшириш учун Бухорога борди
“Жўйзар” каналининг 9 километрлик қисми бетонлаштирилди. Бу йилига 12 миллион куб метр сувни тежаш имконини беради. Ташриф якунида “Етти пир” қадамжолари зиёрат қилинди.
Президент Администрацияси раҳбари Саида Мирзиёева Бухорога борди.
Мирзиёева май ойида белгиланган режалар ижросини, натижаларини кўздан кечирганини маълум қилган.
“Жўйзар” каналининг 9 километрлик қисми бетонлаштирилди (яна 10 километрида жараён давом этмоқда). Бу йилига 12 миллион куб метр сувни тежаш имконини беради.
Шу ернинг ўзида балиқчилик хўжалиги ҳам ишга туширилди. “Шайхонча” маҳалласида 240 ўринли замонавий боғча барпо этилди.
Шунингдек, туризм соҳасидаги янги лойиҳалар — “Афшона” мажмуаси, этно-уйлар, “Жўйи Мулиён” каналини тиклаш, янги аэропорт яқинидаги меҳмонхоналар ва кластер масалалари муҳокама қилинди. Асосий мақсад йилига 10 миллион сайёҳни жалб қилиб, Бухорони шунчаки транзит ҳудуд эмас, балки тўлақонли саёҳат масканига айлантиришдир.
Ташриф якунида Бухорои шарифнинг “Етти пир” қадамжолари зиёрат қилинган.
