Тошкентда Халқаро информатика олимпиадаси старт олди
Telegram ғолибларга 117 000 долларлик мукофотлар топширади. Бу ҳақда Павел Дуров маълум қилди.
Тошкентда Халқаро информатика олимпиадаси (IOI 2026) старт олди: Telegram ғолибларга 117 000 долларлик мукофотлар топширади. Бу ҳақда Telegram асосчиси Павел Дуров маълум қилди.
Бугун Ўзбекистон пойтахти Тошкент шаҳрида юқори синф ўқувчилари ўртасидаги энг нуфузли дастурлаш мусобақаси — Халқаро информатика олимпиадаси (IOI 2026) ўз ишини бошлади.
Дунёнинг энг иқтидорли ёш дастурчиларини қўллаб-қувватлаш мақсадида Telegram компанияси мусобақанинг 235 нафар ғолибига умумий қиймати камида 117 000 АҚШ долларига тенг бўлган эксклюзив рақамли коллекция буюмларини — "Algorithm Cups" (Алгоритм кубоклари)ни топширишини эълон қилди.
Эътиборлиси, Telegram жамоасининг кўплаб аъзолари ўз вақтида айнан ушбу информатика олимпиадасида (IOI) медал соҳиби бўлишган.
Мусобақанинг Ал-Хоразмий ватани — Ўзбекистонда ўтказилаётгани алоҳида рамзий маънога эга. Алгебра фанининг асосчиси бўлмиш ушбу буюк алломанинг номи бугунги кунда дунё бўйлаб қўлланиладиган "алгоритм" сўзига асос бўлган.
