Ўзбекистон дронларни тутиб қолувчи янги қурилмани намойиш этди
"Шунқор-88" соатига 450 км тезликка эриша олади ва дронларни 8 дан 10 км гача масофада нишонга олади. Унинг нархи ҳам эътиборга молик саналади.
Ўзбекистон хавфли учувчисиз аппаратларни аниқлаш ва зарарсизлантириш учун мўлжалланган "Шунқор-88" тутувчи дронини ишлаб чиқди.
Лойиҳа "Келажак муҳандислари" танлови доирасида яратилган. Ишлаб чиқувчиларнинг сўзларига кўра, "Шунқор-88" соатига 450 км тезликка эриша олади ва дронларни 8 дан 10 км гача масофада нишонга олади.
Дрондан ҳаво майдонини ҳимоя қилишда фойдаланиш режалаштирилган.
Ишлаб чиқувчилар унинг нархини лойиҳанинг асосий афзалликларидан бири сифатида таъкидлашади. Уларнинг ҳисоб-китобларига кўра, битта "Шункор-88" ишлаб чиқариш 20 000 дан 50 000 долларгача тушиши мумкин.
Таққослаш учун, ишлаб чиқувчиларнинг фикрига кўра, битта ҳаво мудофааси ракетасининг нархи 2 миллион доллардан 5 миллион долларгача бўлиши мумкин. Шунинг учун янги дрон бошқа учувчисиз аппаратларга қарши курашишнинг анча арзон воситаси сифатида талқин этилмоқда.
