Зеленский Путинга урушни тўхтатиш бўйича очиқ хат йўллади
У нейтрал жойда — Швейцария, Туркия ёки араб давлатида музокаралар ташаббуси билан ҳам чиқди.
Украина Президенти Владимир Зеленский Россия Президенти Владимир Путинга очиқ хат йўллаб, тўғридан-тўғри музокаралар олиб боришни таклиф қилди.
"Украина бу урушни тугатишни таклиф қилмоқда. Бу адолатли ва ҳурмат билан, шунингдек, урушнинг бошқа авж олмаслиги кафолати билан амалга оширилиши керак", дейилади хатда.
Зеленский икки мамлакат раҳбарлари нейтрал жойда - Швейцария, Туркия ёки араб давлатида музокаралар олиб боришлари мумкинлигига ишора қилди.
Зеленский можаро НАТО ва геосиёсат ҳақидаги гап-сўзлардан эмас, балки Россия раҳбариятининг шахсий танловидан келиб чиқишини ёзади.
У шунингдек, иккала томондаги аскарларнинг йўқотишлари ва украиналик аскарларнинг ўлими мамлакат аҳолисига келтирадиган азоб-уқубатлар ҳақида фикр билдирган.
"Аммо биз Украинада доимий урушни хоҳламаймиз. Биз урушсиз вазият ниҳоятда яхши эканлигини жуда яхши биламиз. Биз бунга эришмоқчимиз. Ишончим комилки, аксарият россияликлар бунга ижобий муносабатда бўлишга тайёр ва сиз буни биласиз", деб ёзади Зеленский.
Зеленскийнинг сўзларига кўра, Украина музокаралар давомида тўлиқ сулҳ тузишга тайёр.
"Ҳақиқий сулҳ тузишга уриниш бир-биримиз билан гаплашишни бошлашнинг энг яхши усули ҳисобланади. Биз бу шунчаки уриниш эмас, балки агар хоҳласангиз, ҳақиқий сулҳ бўлади, деб ҳисоблаймиз", деб ёзган Зеленский.
