Трамп Россия ва Украина ўртасида энергетик сулҳ эълон қилди
Украина президенти Владимир Зеленский мазкур ташаббусни қўллаб-қувватлади.
АҚШ президенти Доналд Трамп Россия ва Украина энергетика соҳасида сулҳ тузишга келишиб олгани ҳақида эълон қилди.
"Шу палладан Россия ва Украина ўртасида энергетика сулҳи амал қилади. Икки томон ҳам бунга рози. Уни бузманглар", – дея ёзди Трамп Truth Social ижтимоий тармоғида.
У бошқа тафсилотларни келтирмаган.
Украина президенти Владимир Зеленский мазкур ташаббусни қўллаб-қувватлади.
Украина президенти Доналд Трампнинг Россия ва Украина ўртасида энергетика иншоотларига ҳужумларга қарши келишувга эришилгани ҳақидаги баёнотини муҳокама қилганини айтди. Ўз постида у бу ҳақда Канада Бош вазири, Финляндия президенти ва НАТО Бош котиби билан муҳокама қилганини айтди.
“Биз Президент Трамп томонидан эълон қилинган энергетика сулҳини муҳокама қилдик. Украина сулҳни қўллаб-қувватлайди ва Россия ҳам уни қўллаб-қувватлаши муҳим. Биз Америка томонидан тафсилотларни кутмоқдамиз. Биз томондан Украина ҳар доим юмшатиш чораларини, ҳаётни ҳимоя қилишни ва урушни тугатиш ва узоқ муддатли тинчликни таъминлаш учун зарур ечимларни тўлиқ қўллаб-қувватлайди”, деб ёзган Зеленский.
Москва Трампнинг келишувлар ҳақидаги баёнотига ҳали жавоб бермади.
