Ўзбекистон U-17 терма жамоаси жаҳон чемпионатига йўл олди
Осиё кубогида ўзбек футболчилари Ҳиндистон терма жамоасини ишончли тарзда мағлуб этиб, чорак финалга чиқишди.
Сергей Чигодаев мураббийлигидаги Ўзбекистон U-17 терма жамоаси 2026 йилда Қатарда бўлиб ўтадиган Жаҳон чемпионатига йўлланмани қўлга киритди.
Осиё кубоги гуруҳ босқичининг иккинчи турида ўзбек футболчилари Ҳиндистон терма жамоасини 3:0 ҳисобида ишончли тарзда мағлуб этишди. Голларга Лазиз Абдураимов ва Аҳрорбек Равшанбеков муаллифлик қилишди, Ҳиндистон терма жамоаси эса автогол ҳам урди.
Ушбу ғалаба билан Ўзбекистон терма жамоаси турнирнинг плей-офф босқичига эрта йўлланмани ва U-17 Жаҳон чемпионатига йўлланмани қўлга киритди.
Мусобақа регламентига кўра, гуруҳда дастлабки икки ўринни эгаллаган жамоа Жаҳон чемпионатига йўлланма олади. Бироқ, гуруҳда ўйнаши режалаштирилган КХДР терма жамоаси иштирок этишдан бош тортди.
