"Барселона" "Реал"ни енгиб, муддатидан аввал чемпион бўлди
Каталония клуби кетма-кет иккинчи йил кубокни қўлга киритди ва 29-марта Испания чемпионига айланди.
"Барселона" Испания Ла лигасининг 35-турида ўз уйида "Реал Мадрид"ни мағлуб этди.
"Камп Ноу" стадионида бўлиб ўтган ўйин 2:0 ҳисобида якунланди. Биринчи бўлимда голларни Маркус Решфорд ва Ферран Торрес киритишди.
"Классико"дан олдин "Барселона" бош мураббийи Ханс-Дитер Фликнинг отаси вафот этди. Германиялик мураббий ўйинни ўтказиб юбормади.
"Барселона" 91 очко тўплади ва учта ўйин қолганида Испания чемпионига айланди. Иккинчи ўриндаги "Реал Мадрид" 77 очкога эга.
Каталония клуби кетма-кет иккинчи йил кубокни қўлга киритди ва 29 марта Испания чемпиони бўлди. "Реал Мадрид" ушбу мусобақада рекорд даражадаги 36 марта ғалаба қозонган.
